crazed貓的部落格

“我用別人的愛定義存在 怕生命空白
卻忘了該不該讓夢掩蓋當年那女孩
假如你看見我 這樣的我
膽怯又軟弱
會閃躲 還是說 你更愛我” – 蔡依林。我

        頭一次聽呢首歌只係心痛蔡依林，尤其我一向唔愛佢的人同歌, 但今次見到佢的真心, 頭一日聽左成個鐘, 邊睇MV邊喊. 到今日我又忍唔住再聽…漸漸我覺知我的喊點係個段歌詞, 一路聽一路問自己如果我好似歌詞咁縮左係角落, 我望住”膽怯又軟弱”的自己, 我”會閃躲 還是說 你更愛我”我發覺我會行過去擁抱佢,然後同軟弱的我講 – 加油,你必須堅強加油撐落去, 呢個世界無俾你膽怯軟弱的空間, 如果沉溺只會被家人, 朋友, 伴侶, 公司, 社會淘汱, 你要呢個結果嗎? 所以你只能站起來.

        呢個社會,家庭的制約. 係我小學時同另一個更小的小朋友去睇中醫, 佢睇前不斷喊, 大人都去哄佢, 本來唔喊的我都想要人哄同保護我, 於是我都喊…但媽咪即刻同我講左句: 你俾佢大, 你喊人地只會話你唔懂事, 煩,你唔同佢咁細個. 我聽完呢句之後0.01秒的時間就收左聲. 軟弱係睇時間睇人睇地點, 只有短期內是被允許的, 但唔係一直. / 我有一個BLOG專門寫心情, 寫OSHO ZEN後的轉變, 網站無加任何熟悉或陌生人, 有種當人地看透我是軟弱, 無為,我就會失去,毫無保留的我是連自己都唔敢深入, 我的聲音唔係主流, 身邊一直無人重視過, 所以係唔重要…嗎…?

         到呢到明白恐懼而衍生的思維, 行為, 所以一直”我用別人的愛定義存在 怕生命空白”只有演釋出別人需要的模式又點會被淘汰被留白呢.

  呢刻 - 覺知,了解,深入…我再聽時剩下的情緒,唔再係喊, 而係經歷過,谷底過再產生一種擺脫的情緒,然後係現在學習中的我.

             呢個結尾理性絕對係上不對下, 但真係無任何一重詞句代表到中間的轉化.任何詞言都框住左我,令我係思想,表達上產生邊界~